CONCURSO BIBLIOMASCOTA

O Colexio Sagrado Corazón

convoca

Concurso Bibliomascota

Para celebrar por todo o grande neste curso académico 2025-2026 a renovación da nosa Biblioteca Escolar, imos elixir unha mascota para ela.

BASES DO CONCURSO

Participantes:

Poderá participar todo o alumnado do Colexio Sagrado Corazón de Educación Infantil, Educación Primaria e Educación Secundaria matriculado no centro durante o presente curso.

Presentación das propostas:

Trátase de buscar unha mascota para a biblioteca con nome propio. Por iso, os/as participantes poderán presentar as súas propostas de edición propia empregando a técnica e materiais que desexen (témperas, lapis de cores, acuarela, deseño dixital, etc.) sempre que non excedan o tamaño folio (A4) e sexan en formato 2D.

A proposta debe estar coloreada e o nome da mascota debe aparecer a carón do debuxo. O nome do/a autor/a debe figurar no revés da folla.

Xurado:

Levarase a cabo unha selección das mellores propostas e a continuación serán expostas no taboleiro de anuncios das actividades e novas da biblioteca e no seu propio blog www.bibliotecacprsagcorazon.blogspot.com.es.

A elección final correrá a cargo dos compoñentes do Equipo de Biblioteca.

Premios e distincións:

O/A gañador/a do concurso terá a honra de ter sido elixido como o/a creador/a da mascota da biblioteca do centro, que a partir dese momento formará parte da andaina académica de todo o alumnado e recibirá un agasallo.

O fallo do xurado farase público en abril, antes da conmemoración do Día do Libro.

Prazos e recepción de debuxos:

O Concurso queda aberto a partir da presente convocatoria.

O prazo de entrega das obras vence o día 10 de abril.
Os traballos entregaranse aos membros do equipo lector (Mónica, Begoña, Lola, Mirian Nieto, Cristóbal e Verónica).