Concurso Samaín 2025

 BASES DO CONCURSO CREATIVO SAMAíN 2025

 

Estimadas familias:

Este ano propoñémosvos un concurso creativo para celebrar a festividade de Samaín.

Trátase dunha actividade que elaboraredes na casa axudando e colaborando cos vosos fillos/as de Educación Infantil e Primaria.

En que consiste?

Cada alumno/a fará ou decorará un gorro de bruxa, utilizando a técnica que máis lle guste ou calquera material que inspire a súa creatividade. Pode ser completamente propio ou axudarnos dunha base xa mercada.

Decorádeos ben bonitiños e non esquezades poñerlle unhas palabras terroríficas en galego para que as bruxas poidan facer o seu conxuro con elas.

Unha vez rematados, poderédelos entregar directamente a cada titor/a etiquetado co nome e curso de cada alumno/a. Tedes ata o luns 20 de outubro para facernos chegar o voso gorro, senón as bruxas pasarán polo noso centro e non queremos que nos boten unha das súas apócemas ou maldicións...

Todas esas obras de arte serán expostas no colexio durante a tempada de Samaín, e ademais, participaredes nun concurso con premios moi especiais para os gorros máis orixinais de cada ciclo!

Non perdades a oportunidade: que os vosos/as peques participen nesta actividade creativa e divertida! Estamos desexando ver esas “horripilantes” obras de arte!

Un saúdo.