CERTAME DA MASCOTA DA NOSA BIBLIOTECA ESCOLAR 2026

BASES DO CONCURSO

Participantes:

Poderá participar todo o alumnado do Colexio Sagrado Corazón de Educación Infantil, Primaria e Educación Secundaria matriculado no centro durante o presente curso.

Traballos:

O tema é libre (literatura, historia, misterio, amor, natureza, fantasía, medo, humor,...) e só se admitirán obras orixinais e inéditas.

1ª categoría: Primeiro, Segundo e Terceiro de Educación Primaria.

O alumnado poderá participar na seguinte modalidade:

Representación gráfica dun autor/a ou obra: os traballos poderán ser elaborados con calquera tipo de material, indicando por detrás o que simboliza ou representa (Rosalía de Castro,Celso Emilio Ferreiro, Manuel Curros Enríquez, Shakespeare, Miguel de Cervantes, Julio Verne, J.K. Rowling,...)

2ª categoría: Cuarto, Quinto e Sexto de Primaria.

3ª categoría: Primeiro, Segundo, Terceiro e Cuarto de Secundaria.

O alumnado poderá participar nunha das modalidades seguintes:

Poesía (máximo 20 versos)

Relato curto (ata 500 palabras)

Relato (ata 1500 palabras)

Cómic

Teatro

As composicións poderán estar escritas en galego, castelán, inglés ou francés e ir encabezadas por un título. Os traballos deberán realizarse individualmente. 

Presentación:

Os traballos de Educación Primaria en calquera das categorías poderán presentarse en formato papel ou dixital. Os traballos correspondentes a Educación Secundaria deberán presentarse en formato dixital. (Absterse de usar Intelixencia Artificial para a elaboración dos mesmos, posto que significrá a descalificación inmediata do certame).

Xurado:

O xurado estará formado polos compoñentes do PLEA (Plan de Lectura, Escritura e Acceso á información).

Premios e distincións:

Outorgaranse un máximo de 2 premios por categoría.

No caso de que as obras non acaden unha calidade mínima (presentación, ortografía, redacción, etc.), o xurado poderá declarar o premio deserto.

O fallo do xurado farase público o 23 de abril, Día do Libro.

Prazos e recepción de escritos:

O Concurso queda aberto a partir da presente convocatoria.

O prazo de entrega das obras vence o venres día 10 de abril.
O alumnado de 1º, 2º e 3º de Educación Primaria, poderán entregar os debuxos aos membros do PLEA (Mónica, Lola, Begoña, Miriam Nieto, Cristóbal e Verónica). O alumnado de Educación Secundaria e de 4º, 5º e 6º de Educación Primaria enviarán os seus traballos ó enderezo electrónico: biblioteca.cprsagcorazon@gmail.com.

Entrega de Premios:

Os premios entregaranse o día 23 de abril, nun acto en presenza do xurado e de todos os profesores/as e compañeiros/as do centro.

Bases:

O feito de participar neste concurso implica a total aceptación das súas bases.

As obras premiadas serán publicadas na páxina web  do centro, instagram e blog da biblioteca  que poderá facer uso delas coa finalidade de fomentar o gusto pola lectura.