RECOMENDACIÓNS LITERARIAS PARA O NADAL

1º E 2º DE EDUCACIÓN PRIMARIA

Maruxa. Eva Mejuto e Mafalda Milhoes. OQO Editora.

Maruxa decide dar unha lección ao seu marido. Astuta, e cunha grandísima habilidade no manexo da retranca, logrará que Pepiño tome consciencia de que o traballo da casa está mal repartido e consegue que cambie de actitude.

O cullarapo Croque. Miguel Ángel Alonso Diz e Luz Veloso.

Neste libro atoparedes poemas que xiran sobre temas como a lingua, o amor, o respecto, a individualidade....Os textos van acompañados por unas fermosísimas ilustracións.

Un bicho extraño. Mon Daporta. Kalandraka.

Unha historia sen fin, porque pasando as páxinas e dándolle a volta ao conto, podedes comezar de novo. Rima e ritmo, para descubrir a función lúdica da lectura.

3º E 4º DE EDUCACIÓN PRIMARIA

A nena á que non deixaban ser feliz. Miguel Ángel Alonso Diz e Luz Veloso.

A protagonista da obra enfróntase ao patriarcado establecido nunha orde social ríxida. Atopamos neste libro un reflexo da realidade do mundo dos nosos tempos.

Abuelas. Raquel Díaz Reguera. Lumen.

Non hai conto de fadas máis máxico co que unha avoa pode contarche co arquivo fotográfico da súa vida...

5º E 6º DE EDUCACIÓN PRIMARIA

Escarlatina, a cociñeira defunta. Ledicia Costas. Xerais.

Como Román Casas quería ser un auténtico chef, pediulle ao seu pai un curso de cociña para o seu décimo aniversario, que coincide co Día de Defuntos, a festa dos mortos. E nese día tan especial recibiu un susto, un agasallo moi singular: un cadaleito!!!

A praia da esperanza. Agustín Fernández Paz. Editorial Xerais.

Raquel atopa unha buguina entre as rochas da praia e decide levala para súa casa...Unha interesante historia do prestixioso escritor galego Agustín Férnández Paz.