BIBLIOTECA SAGRADO CORAZÓN

Con motivo do Día Internacional da Eliminación da Violencia contra a Muller, recomendámosvos este  vídeo ! Espero que vos guste e que serva para reflexionar un pouquiño...

A educación en igualdade é un dos obxectivos fundamentais na escolarización, a pesar dos esforzos feitos neste senso para acadala aínda perduran moitos estereotipos nos nenos e nas nenas. Por mor da celebración do Día Internacional para a Eliminación da Violencia contra a Muller ,  imos facer unhas recomendacións de libros que tentan combater os estereotipos sexistas a través de personaxes que escapan dos roles tradicionais.  1º E 2º DE EP Mi primer libro sobre ellas. Marta Rivera de la Cruz. Ilustracións de Cecilia Varela. Anaya. A autora achega, mediante as páxinas deste libro, a sete mulleres que, en épocas nas que non tiñan dereito a case nada, foron quen de loitar polos seus sonos e chegaron a cambiar a historia. Mulleres como Clara Campoamor, María Moliner ou a escritora galega Rosalía de Castro entre outras. Luna y el vestido de Max. Thierry Lenain. Ilustracións de Delphine Durand. Edelvives. Thierry Lenain narra unha historia na que unha rapaza chamada L...

O xornal escolar: cando a escola aprende a contarse a si mesma Poucas ferramentas permiten capturar as historias que se crean dentro da escola con tanta forza como o xornal escolar , un espazo onde a comunidade educativa non só informa, senón que aprende a mirar e a mirarse. O xornal é moito máis que un produto final impreso ou dixital; é unha actividade na que a curiosidade transfórmase en aprendizaxe significativa . Cada estudante convértese en protagonista: reporteiro/a, editor/a, ilustrador/a ou cronista. Aquí  tedes a proposta do alumnado de 4º de Educación Primaria que co motivo do Día Internacional das Bibliotecas escribiu e publicou unha edición especial sobre "A Vendima".     

En tempos de pantallas e présas, a biblioteca segue sendo un refuxio de calma, curiosidade e encontro . Celebrar o seu día é lembrar que, entre as páxinas dun libro, caben todos os soños posibles. Porque unha escola con biblioteca é unha escola con alma . E cada lector que cruza a súa porta contribúe a manter viva esa chama. No noso colexio, queremos conseguir que a biblioteca sexa moito máis que un lugar para ler; queremos un punto de encontro onde as ideas crúzanse, onde cada alumno/a atopa un recuncho propio e cada libro unha nova oportunidade para inspirar.                                                                             Desde aquí nacerán moitos proxectos, moitísimos! , compartiranse lecturas, descobreranse autores e espertaranse vocacións. Con cada préstamo, cada visita, cada con...

  BASES DO CONCURSO CREATIVO SAMAíN 2025   Estimadas familias: Este ano propoñémosvos un concurso creativo para celebrar a festividade de Samaín. Trátase dunha actividade que elaboraredes na casa axudando e colaborando cos vosos fillos/as de Educación Infantil e Primaria. En que consiste? Cada alumno/a fará ou decorará un gorro de bruxa, utilizando a técnica que máis lle guste ou calquera material que inspire a súa creatividade. Pode ser completamente propio ou axudarnos dunha base xa mercada. Decorádeos ben bonitiños e non esquezades poñerlle unhas palabras terroríficas en galego para que as bruxas poidan facer o seu conxuro con elas. Unha vez rematados, poderédelos entregar directamente a cada titor/a etiquetado co nome e curso de cada alumno/a. Tedes ata o luns 20 de outubro para facernos chegar o voso gorro, senón as bruxas pasarán polo noso centro e non queremos que nos boten unha das súas apócemas ou maldicións... Todas esas obras de arte serán exposta...

A lectura atopou unha nova forma de viaxar polos corredores do centro. Desde hai unhas semanas, o alumnado pode descubrir unha iniciativa tan orixinal como ilusionante: a Biblioteca Móbil, un estante sobre rodas repleto de libros (actualmente de libros de agasallo para que leven a casa sen ter que devolvelos) pero máis adiante percorrerá os corredores e os patios ofrecendo lecturas para todos os gustos…! Este proxecto, impulsado polo novo equipo de Biblioteca, nace cun propósito claro: achegar os libros ao alumnado e fomentar o pracer da lectura sen obrigacións. Os exemplares, serán seleccionados con mimo, procedentes do noso amplo catálogo da biblioteca, así como doazóns e adquisicións pensadas para cada idade e nivel lector. A idea é sinxela pero poderosa: cada estudante poderá elixir un libro, levalo durante o tempo de recreo e devolvelo antes de subir de novo a súa aula. A Biblioteca Móbil intégrase dentro do actualizado Plan de Biblioteca e do Proxecto Lector, de Escritura e...